21st 畢業camp － 31/7-1/8

    21st學領已經完滿結束，亦象徵新既開始，根據V.U.傳統會由前一屆既學領(即20th)籌辦畢業暨迎新營予新一批V.U.成員。今年7月31日至8月1日於梅窩—銀礦灣戶外康樂營舉行的畢業camp，約有50人參加，當中參加的有17th-21st，更有二位元老－13th Michael同峰峰。

       大家約10時係中心集合，之後就起行啦~先搭車到中環港外線碼頭，再搭船到梅窩(原來 梅窩係20th呀mi的地頭)。係船上面一眾Ｖ.U.成員玩"唔係話~咁鬼易~"，玩既話題當然離唔開幾個人，e.g. 師兄,陳sir等。係45mins分鐘船程後就到達目的地啦∼
　　落左船，以為可以入camp啦...點知一出左碼頭，20th committee就話第一個遊戲開始，而個遊戲就係「梅窩定向」。每個人臉上展露無奈的表情，背著沉重的背囊，心中懷著不忿的情緒，憑藉一張「模稜兩可」的提示字條，向check point進發。

　　check point既提示包括「願你會揸火箭,帶你到天空去」，答案係「銀河花園」、「紅蟲」答案係「游泳池」等。而係其中一個check point，20th師兄將佢一世俾人讚既quota係半個小時內用哂，呢個任務就係「鬥讚得多師兄」，結果沒有人不喃喃有語地離開。

(卒仔不經意的一露...仲唔捉到你痛腳~)

(已徵求卒仔同意先post架~)

 　　當去到營地，大家放好行裝便立刻開始「受刑」。一開始先有熱身遊戲「糖黐豆」，之後有搶水袋、食物競技及開口中等改版遊戲，務求令各人生不如死，即使德高望重既michael亦難逃一刧，接受「水筒冼禮」。

　　到左夜晚食完晚飯，大家諗住可以抖抖回氣，但committee們一於少理，玩埋「二人三足搶絲帶」，陳sir同wing2俾人「圍剿」，但慘既係佢地既partner。

　　全晚既高潮當然係到番20th受懲罰，佢地要食我地預先準備既「washibi飯團」同埋抬師兄繞場一周(十個人抬佢都話頂唔順...)。
　　當晚亦剛巧係 Ｖ.U.既交接日，由前任主席17th Man 交俾18th 雨姐。Man先交代前一年既工作，然後祝賀下一年既順利。而雨姐亦陳詞一番，希望下年同心協力攪好Ｖ.Ｕ.。
　　到左第二日，我地黎到營地附近既海灘進行水上遊戲。大家一見到個海，已經急不及待衝入水，大肆嬉戲，待20th 準備好始進行遊戲。
　　如果話20th得師兄「出眾」就大錯特錯，一班committee諗出黎既遊戲「異常人道」，先係水到玩完天梯，再係沙上面玩「大長碌」，固中感受不能以筆墨形容。
　　到左最後，大家嬉水樂尤尤。所有V.U.人樂而忘返，直至筋疲力盡才乘車回屯門。